paranormal activity
فيلم يحكي قصة خطيبين عايشين مع بعضهم ف بيت واحد وبتصير لهم حاجات غريبة ف الليل,, فقام الولد بكل ذكاء اشترى كاميرا فيديو عشان تسجل وهم نايمين ويعرفون ايش الاشياء اللي تصير خلال فترة نومهم وهما مهم دارين عنها ( الاخ افترض انهم عيال الجيران المزعجين المهووسين بالكائنات الفضائية هم اللي بيزعجونهم.. لكن ماكان يدري عن الحقيقة المرة اللي تنتظره )!!!
المهم عدت كم ليله على خير,, كانوا يشغلون الكاميرا يخلونها تسجل, ويقومون الصباح يشوفون الشريط عشان يعرفون هل صار شي وهم نايمين ولا لا؟؟!!
بس مو كل مرة تسلم الجرة,,, بعد فترة لما شغلوا الشريط لقيوا باب الغرفة يتحرك من حاله!!! حركة بسيطة ويرجع مكانه ( مع العلم انه مافي احد ثالث عايش معاهم وقبل ماينامون يتاكدون ان الابواب والشبابيك مقفلة يعني مستحيل يكون السبب تيار هوائي ) طبعا هم انصدموا من المنظر ومادروا ان الموضوع حيتطور لصوت خطوات عالدرج وبعدها لمبات تطفي وتولع من حالها ووصلت لدرجه انه مرة باب الغرفة انصفق فجاه ( انقفل بقوة ) ولما يحاولوا يقربوا منه يهتز ويطلع اصوات كان احد يخبط فيه من الجهة الثانية ..
برضه مرة ثانية اتهبل الولد على عينه ( الادمي ذا بايعها وحتتاكدوا لما تشوفوا الفيلم) وحط بودرة او دقيق ( المهم شي ابيض ف الارض ) ولما صحيوا من النوم عالاصوات لقيوا خطوات بالدقيق ( كانه احد مشى عليه ) وبملاحقة الجاني وصلوا للعلية وطلع الولد ( مو قلتلكم بايعها ) لقي صورة ليكتشف الحقيقة المرة ... صورة صاحبته وهي صغيرة,,, الشي الوحيد اللي بقي بعد ماانحرق بيتها" على فكرة نتيجة التحقيق ف الحريقة كانت سلبية لانهم ماعرفوا السبب" .. البنت انصدمت لما شافت الصورة لانها متاكدة انه مابقي شي بعد ماانحرق بيتها!!! ف اضطرت تعترف له بحقيقة حتغير مجرى القصة 180 درجة..
اش هي الحقيقة ؟؟ اش ردة فعل صاحبها؟؟ اش حيصير لهم؟؟ واش الشي اللي يلاحقهم؟؟ هل حيقدر احد يساعدهم ولا لا؟؟ اش حتكون نهاية الفيلم ؟؟ عشان تعرفون الاجوبة لازم تتفرجون عالفيلم وعلى فكرة الفيلم مقتبس من قصة حقيقية!!! ...
بس نصيحة لوجه الله لاتفكروا تشوفوه لحالكم .. ولاتشوفونه ف الليل .. واذا انت عندك مرض مزمن سكر / ضغط / صرع/امراض ف القلب اوعى تخلي المحطة لان انا ماني مسؤولة عن اللي حيحصل .. اشوفكم قريب ان شالله مع فيلم ثاني وتقرير ثاني تشااااااااااااااااااااااااااااااااااااااااو
همسات نجمة
همسات نجمة
رابط التريلر
http://www.youtube.com/watch?v=OSSqxrh5kp8
No way .. انا عبرت لك عن مشاعري تجاهه قبل كذا
ردحذفخخ .. ماراح اشوفه ههه
كنت متاكدة انك حتردين على ذا الموضوع خخخخخ..
ردحذفبدون ماتقولين صدقيني انا ماني بايعتك عشان اخليك تشوفينه ..
نورتي المدونة بمرورك ولعاد تطولين الغيبة زورينا على طول حتلاقي اشياء حلوة " حاسة اني اسوق لسلعه ههههههه"
شكله حلو ..
ردحذفبس يخوف
اذا اتشجعت ولقيت حد وياي يشوفه راح اشوفه^^ عشان اذا صار شي ايكون حد وياي
تقبلي مروري^^
من ناحية حلو ف هو حلو .. ومن ناحية يخوف حطي تحتها مليوووووووووون خط ولك ان تتخيلي اني للحين ماكملت اخر ربع ساعة منه ولا ناوية اكملها XD .. اذا ودك تشوفينه امري بس لايردك الا الكيبورد وانا ارسللك الرابط<< جاهزة للشر هعهعهعهع
ردحذفوالله حمستوني أشوفه ألحين بأحمله وأتفرج بعد منتصف الليل عشان تكون الوناسه أكبر ولا تخافو بأعلمكم النهايه... رعب وأنا عشقي الرعب..
ردحذفتشاو
اوووووووووووووكي انتظر ردك اول ماتخلصي الفيلم ..
ردحذفياهو
ردحذفياولية أنت ماتبي أنا غلط وقرأت العنوان دحين صارت تجيني هواجس :(
مو أنت إلي ماقدرتي تكمليه
على العموم الفلم لا يطاقة (الرأي من بعد معرف الفليم من محب رعب )
في احد يتوب عن افلام الرعب,, يابنتي صارت ادمان D: كملته بعدها باسبوعين ههههه ومن ناحية لايطاق ف هو لايطاق بس لو ماشفته كان صارلي شي من كثر ماكنت متحمسه له خخخخخخ
ردحذفوالله ماحرك فيني شعره ما أحسه أرعبني لهذيك الدرجه..
ردحذفننتظر جديدك ياعسل نبغى شي يشيب الراس..
بالنسبه للي أرسلتيه لي راح أشوفه بأقرب وقت
تشاو