BOO
بعد غياب طويل عن الافلام ومن منطلق المثل الشعبي القائل " من طول الغيبات جاب الغنايم " ف انا جايبتلكم اليوم غنيمة ولا كل الغنايم.. فيلم مرعب بكل ماتحمله الكلمة من معنى " ف اللي عارف نفسه يخاف او عنده مرض مزمن ( ضغط ,, سكر) لايتفرج رجاء حفاظا على صحته واللي حيتلقف انا مش مسئولة ..
ندخل ع المهم.. زي ماقلت فيلمنا من العيار الثقيل .. قصة الفيلم تحكي ف اربعة اتجاهات ف نفس الوقت
الاتجاه الاول : مستشفى ولا كل المستشفيات انحرق كذا مره بدون ماتعرف الشرطة السبب .. حتعرفوا قصته مع مجريات الاحداث ..
الاتجاه الثاني : اخ يدور عن اخته اللي اتلقفت مع اصحابها ودخلت المستشفى على اعتبار انها مغامرة ( حتطلع من عينهم المغامرة)..
الاتجاه الثالث : شرطي غلبان ونجم تلفزيوني دوره ف التلفزيون انه بطل خارق بس هو ف الواقع عكس ذلك تتوقعون بنهاية الفيلم حيكون بطل ولا لا؟؟ .. ولو طلع بطل هل حيكون بطل حي ولا ميت ؟؟!!
الاتجاه الرابع : مجموعة اصدقاء " اولاد وبنات " الاولاد يبغوا يسووا مفاجأة للبنات بمناسبة عيد الهالوين فبياخذونهم ف رحلة للمستشفى الموقر ويتفقوا مع واحد منهم انه يسبقهم عشان يجهز المكان ويسوون كم مقلب يفجعون به البنات !!" نذالة بعيد عنكم" المهم يروح ذا الواحد هو وكلبه .. اش تتوقعون يصير فيه؟؟ واش حيصير لباقي الشلة لما يجوا ؟؟ واهم شي .. اش حيصير للكلب؟؟!!
كم كلمة عن الفيلم :
الزمان حيكون ليلة الهالوين
المكان : المستشفى المذكور اعلاه
الجدير بالذكر انه وحده من البنات اتوفت امها قبل كم سنة "يمكن 9 او 10 ماافتكر " واتوفت لما كانت تكلمها وتبارك لها بليلة الهالوين .. مع انها اتوفت الا انه مازالت المكالمات مستمرة كل ليله هالوين الى الليلة المذكورة.. تتوقعوا البنت حتعيش بعدها ولو عاشت حتستمر مكالمات الام الميته ولا حتقدر البنت توقف ذا الجنان عند حده .. تابعوا وحتشوفوا ..
فيلم يستحق المشاهدة وانصح به ..طبعا مو للكل .. لاصحاب القلوب القوية فقط والناس اللي قد التحدي..
اتمنى لكم مشاهده ممتعة واراكم قريبا مع فيلم اخر.. تشاااااااااو..
آآآآآآآآآآآه يا مرام من أفلامك
ردحذفما أحب المرعب أبدا ولا راح أحبه
ويسلموا على التقرير:)
I only read half
حتحبيه انتي بس اعطيه فرصه وحتشوفي..
ردحذفالله يسلمك..
ليه ماكملتي التقرير ؟؟ طيييييييب..