اختبر درجة صبرك..

اختبار رائع يقيس مدى صبركم .. اتمنى اللي يقرا الموضوع يشاركنا النتيجة عشان نعرف هل هو صبور ولا لا؟؟ ..

رابط اللعبه http://game.v22v.net/v2-72.html

مع حبي وتقديري

الصداقة

ليس من الصعب ان تضحي من اجل صديق

لكن من الصعب ان تجد الصديق الذي يستحق التضحية

تكون سعيدا اذا عثرت على صديق تثق به

وتكون اسعد اذا عثرت على صديق يثق بك

اعجبني فنقلته..

BOO

بعد غياب طويل عن الافلام ومن منطلق المثل الشعبي القائل " من طول الغيبات جاب الغنايم " ف انا جايبتلكم اليوم غنيمة ولا كل الغنايم.. فيلم مرعب بكل ماتحمله الكلمة من معنى " ف اللي عارف نفسه يخاف او عنده مرض مزمن ( ضغط ,, سكر) لايتفرج رجاء حفاظا على صحته واللي حيتلقف انا مش مسئولة ..

ندخل ع المهم.. زي ماقلت فيلمنا من العيار الثقيل .. قصة الفيلم تحكي ف اربعة اتجاهات ف نفس الوقت

الاتجاه الاول : مستشفى ولا كل المستشفيات انحرق كذا مره بدون ماتعرف الشرطة السبب .. حتعرفوا قصته مع مجريات الاحداث ..

الاتجاه الثاني : اخ يدور عن اخته اللي اتلقفت مع اصحابها ودخلت المستشفى على اعتبار انها مغامرة ( حتطلع من عينهم المغامرة)..

الاتجاه الثالث : شرطي غلبان ونجم تلفزيوني دوره ف التلفزيون انه بطل خارق بس هو ف الواقع عكس ذلك تتوقعون بنهاية الفيلم حيكون بطل ولا لا؟؟ .. ولو طلع بطل هل حيكون بطل حي ولا ميت ؟؟!!

الاتجاه الرابع : مجموعة اصدقاء " اولاد وبنات " الاولاد يبغوا يسووا مفاجأة للبنات بمناسبة عيد الهالوين فبياخذونهم ف رحلة للمستشفى الموقر ويتفقوا مع واحد منهم انه يسبقهم عشان يجهز المكان ويسوون كم مقلب يفجعون به البنات !!" نذالة بعيد عنكم" المهم يروح ذا الواحد هو وكلبه .. اش تتوقعون يصير فيه؟؟ واش حيصير لباقي الشلة لما يجوا ؟؟ واهم شي .. اش حيصير للكلب؟؟!!

كم كلمة عن الفيلم :

الزمان حيكون ليلة الهالوين

المكان : المستشفى المذكور اعلاه

الجدير بالذكر انه وحده من البنات اتوفت امها قبل كم سنة "يمكن 9 او 10 ماافتكر " واتوفت لما كانت تكلمها وتبارك لها بليلة الهالوين .. مع انها اتوفت الا انه مازالت المكالمات مستمرة كل ليله هالوين الى الليلة المذكورة.. تتوقعوا البنت حتعيش بعدها ولو عاشت حتستمر مكالمات الام الميته ولا حتقدر البنت توقف ذا الجنان عند حده .. تابعوا وحتشوفوا ..

فيلم يستحق المشاهدة وانصح به ..طبعا مو للكل .. لاصحاب القلوب القوية فقط والناس اللي قد التحدي..

اتمنى لكم مشاهده ممتعة واراكم قريبا مع فيلم اخر.. تشاااااااااو..

أي نوع من النساء انتي؟؟!!

حبيت اليوم نخرج شوي عن النمط التقليدي للمواضيع اللي انزلها وانزل شي مختلف تماما.. حانزل لكم اليوم اختبار.. اي نعم اختبار !! عارفة اننا ف صيفية وان مالكم خلق بس ذا الاختبار مو زي اختبار.. هذا اختبار لشخصيتك .. سويته وعجبتني النتيجة لانها توضح شخصيتي فعلا فحبيت اشارككم به ان شالله يعجبكم..

قبل أي شي لازم تجاوبين ع الأسئله قبل الأنتقال للأجوبه

1-عندما تشعرين بالإعجاب تجاه أحد الأشخاص فإنكِ:

أ-تنالين إعجابه.

ب-لا تشعرينه بذلك.

ج-تشعرينه بالعكس.

2-الرجل الذي ينال إعجابكِ هو:

أ-من يهتم بكِ اهتماماً خاصاً.

ب-من يغرقكِ بالهدايا.

ج-من يغرقكِ بالزهور والبطاقات اللطيفة.

3-أكثر ما يحرك مشاعرك في الطرف الآخر هو:

أ-لطفه.

ب-قوته ورجولته.

ج-نقاط ضعفه.

4-عندما يشتعل الخلاف بينكما فكيف يكون رد فعلكِ؟؟..((ملاحظة إذا كنتِ غير متزوجة أو مخطوبة فلا تجبين على هذا السؤال بأي نقطة))

أ-تبادرين بمناقشة المشكلة معه واستخلاص النتائج.

ب-تشعرينه بأنه قد جرح كرامتكِ وتجعلينه يدفع ثمن ذلك غالياً.

ج-تشعرين بالمهانة وتلتزمين بالهدوء.

5-إن النجاح في العمل من وجهة نظركِ يتوقف على:

أ-الثقة بالنفس.

ب-القوة والسرعة في اتخاذ ردود الأفعال في المواقف المختلفة.

ج-أي عمل تقصد؟

6-هل يحدث لكِ أن تؤجلي أعمالكِ للقيام بها في وقت آخر؟..

أ-غالباً.

ب-نادراً.

ج-أحياناً.

7-من وجهة نظركِ..الاستيلاء على مركز رئيسكِ في العمل..

أ-عمل غير مُجدٍ ولا يستحق المحاولة.

ب-شئ لابد منه وهو القاعدة الأساسية للعبة.

ج-عمل لا يمت للأنوثة بصلة.

8-أنتِ تفضلين دائماً الكتابة:

أ-بقلم جاف.

ب-بقلم حبر سائل.

ج-بقلم رصاص.

9-أنتِ تفضلين دائماً:

أ-أن يحبك الآخرون.

ب-أن يخشاكِ الآخرون.

ج-أن تكوني موضع إعجاب الآخرين.

10-عندما تواجهكِ صعوبة فإن ذلك:

أ-يضعف من قواكِ

ب-يدفعكِ إلى المزيد من التمسك واستعادة القوى.

ج-يجعلكِ تقولين في نفسكِ.."هذه غلطة الآخرين".

11-أنتِ تعيشين من أجل(العباده والصلاه والصوم ... مفروغ منها طبعا)

أ-الحياة نفسها.

ب-كسب المزيد من الأموال.

ج-أطفالكِ.

والآن أجمعي مجموع الإجابات

فإذا كان معظم إجابتكِ من الفئة (أ) فأنتِ شمســــــية

طبيعتكِ: شمسية.الصفة الغالبة عليكِ أنكِ: قـويـة وهـادئة..والنضـارة والسـكون.أنتِ تتمتعين بكل المميزات التي تؤهلكِ بحق لتكوني رمزاً للأنوثة الأبدية...وخاصة هذا المزيج الفريد من القوة والعطف..فبالرغم من ثقتكِ التامة بقوتكِ إلا أنكِ نادراً ما تلجئين إلى استخدامها لأنكِ مقتنعة تماماً بأن تسجيل الانتصارات على الآخرين لا يستدعي بالضرورة إلحاق الضرر بهم..ولكنه يمكن أن يحدث بكل هدوء وبالعقل والمنطق دون الحاجة إلى اللجوء إلى الصوت العالي أو الاستشهاد بالآخرين..وأنتِ مقتنعة كذلك بأن المرأة الشمسية هي شئ مكتسب وهي صفة لا نولد بها وإنما يجب أن نسعى إليها بكل قوانا..وأهم شئ بالنسبة لكِ هو الحب بكل أشكاله فهو الذي يغذيكِ ويمدكِ بهذه الطاقة والقوة التي تعكسينها بدوركِ نوراً ودفئاً على الآخرين..

وإذا كانت معظم إجاباتك من الفئة(ب) فأنتِ قمــــــرية

طبيعتكِ: معدنية.الصفة الغالبة عليكِ أنكِ: امرأة خشنه عنيفه وعلاجكِ في متناول يدكِ..صحيح أنكِ اخر امرأة يمكنها القيام بعمليات التخطيط والتفكير والتدقيق..وأنكِ من طائفة ((النساء الخارقات))..اللاتي يمتلكن جميع المقومات التي تمكنهن من السيطرة على مجريات الأمور وإخضاع الآخرين وأنتِ أيضاً من النوع الذي لا يبالي بنقد الآخرين ويواصل شق طريقه تبعاً لاعتقاداته ومفاهيمه الشخصية..أنت من النوع الذي يمكن الاعتماد عليه رغم أنكِ لا تحاولين أبداً الاعتماد على الغير..أنتِ أيضاً تناضلين بقوة من أجل الآخرين مما يضطرهم إلى التغاضي عن نوبات العجرفة التي تنتابكِ أحياناً..ومن الناحية العاطفية..تجتاحكِ أحياناً لحظات من الأنوثة المتدفقة ولكنكِ تحتمين منها خلف درع((خشونتك))أو((عجرفتك))..وقد تجدين نفسكِ أحياناً مضطرة إلى مساندة شريكِ في لحظات ضعفه بشرط ألا يدوم ذلك طويلاًلأنكِ لا تحتملين الضعف..فأنتِ متشددة جداً مع الآخرين كما أنتِ مع نفسكِ.

إذا كانت معظم إجاباتك من الفئة (ج) فأنتِ نبـــــاتـية

طبيعتكِ: نباتية.الصفة الغالبة عليكِ أنكِ: هادئة جداً..فإنتِ إنسانة يغلب عليها الهدوء..ويحركك شيئان:الهدوء والرغبة في الاستقرار..وهما فقط اللذان يمليان عليكِ جميع تصرفاتكِ واختياراتكِ وردود أفعالكِ...وأنتِ أم مثالية..يقظة..متوازنة..تعشقين النباتات والأطفال..تهتمين بالتفاصيل الصغيرة الجميلة..الزهور واللوحات و الألوان..فمنزلكِ هو رمز للجمال والتجانس والهدوء..أنتِ تتجنبين الدخول في علاقات تقوم على القوة والسلطة..كما تتجنبين الدخول في مواجهات مع الآخرين..وعندما تجدين نفسكِ في مأزق فإنكِ عادة لا تترددين في فتنة الطرف الآخر لدفعه إلى التخلي عن جميع أسلحته والاعتراف بهزيمته..أنتِ من النوع الحساس إلى درجة كبيرة..وهذه الحساسية تدفعكِ دائماًً لمعاتبة الغير وقذفهم بالتهم الباطلة..وعلى الصعيد العاطفي..أنتِ امرأة-طفلة تجتمع فيها أرق الأحاسيس والمشاعر..تحتاجين دائماً إلى دعم ورعاية الغير حتى تشعري بأنكِ على ما يرام وغالباً ما تشعرين بالندم على أنكِ لم تعاصري الزمن الماضي((الجميل)) من وجهة نظركِ حيث كانت المرأة قبل كل شئ أماً وربة بيت وحيث كان كل شخص يعي تماماً حقيقة دوره في الحياة

المصدر : http://vb.maharty.com/showthread.php?t=7365

فضلا لاامرا كل وحدة تسوي الاختبار تشاركنا بنتيجتها .. وانا حاكون اول وحدة .. معظم اجاباتي ( أ ).. انتظر نتائجكم .. اراكم قريبا..

البرنس

فكرت انزل موضوعي الجديد عني عن ( البرنس) طبعا انا ماقصدي اني اتكلم عن نفسي.. لا.. الموضوع هذا حيكون منكم "قراء مدونتي" لي" البرنس" بمعنى : اللي يبغى يسالني اي سؤال ف نفسه او معلومة يبغى يعرفها عني حاجاوبه على سؤاله وراح ارد على استفساره .. واللي له ملاحظات لي شخصيا سواء عني او عن المدونة يقدر يطرح وجهة نظره وحتى لو مااتفقت معاه حاحترمه من منطلق " صديقي من اهداني عيوبي".. حيكون ذا الموضوع متجدد على طول .. باب المشاركة مفتوح ,, حتى لما يقدم الموضوع حاتابعه باستمرار .. طلبي منكم ماتخلوا ف نفسكم شي تبغوا تقولوه وتسكتوا ولاتتكاسلوا تكتبوا .. شاركوا وتفاعلوا..

مع حبي وتقديري لجميع قراء المدونة
البرنس

مس " ماعندي وقت "

الشخصية الاخيرة من VIP .. شخصية مميزة وراقية بكل ماتحمله الكلمة من معنى..شقية.. طيبة لابعد درجة ممكن تتخيلوها واحيانا طيبة قلبها تخليها تنخدع ف الناس للاسف ..اعرفها من زمااااااااان من قبل اولى ابتدائي حتى لانها كانت بنت جيراننا.. طولت على مانزلت الموضوع لاني ماني لاقيه كلمات اوصفها بها لانها فعلا شخص عزيز على قلبي بكل ماتحمله الكلمة من معنى واعتبرها اعز اخواتي.. هي اللي حببتني ف لقب برنس وكانت السبب اني اختاره للمدونة حقتي ( طبعا قصة اللقب لحالها ومن فين جا يبغالها موضوع خاص حنزله قريب ان شالله) ..
غير لقب " البرنس" هي تحب تناديني كمان ب "دكتورتي" و"حكيمتي " ونفسها اني اتخرج بسرعة عشان تجي تكشف عندي ولو بيدها كان خلتني اتخصص كل تخصصات الطب عشان ماتروح للغريب وانا موجودة ( هذي كلمتها دايما الله يسعدها) ..
درسنا مع بعض ف نفس المدرسة الابتدائية وبعدها المتوسط والثانوي وبعد اولى ثانوي افترقنا ف الصفوف انا دخلت علمي وهي ادبي لان حلمها تدخل علم نفس والحمد لله اتخرجنا ودخلت القسم اللي تبغاه.. ومن يومها وهي تطبق ف اللي حواليها وتحلل شخصياتهم ومواقفهم,, يعني بالعربي من كثر حبها لتخصصها بدت تطبقه من بدري وهي لسه مااتخرجت.. اتوقع لها مستقبل باهر باذن الله كااخصائية علم نفس لانها طموحة ومجتهده وذكية ..

نبذة مختصرة عن مس " ماعندي وقت" :

قلبها ابيض.. متسرعة بشكل مو طبيعي.. ماعندها صبر ( لكن حتتعلم على يدي ان شالله) .. كلمتها المفضلة مؤخرا كل ماقلتلها شي يجيني ردها المعروف " ماعندي وقت" >> نفسي اشوف لما تفتح بيت ويصير عندها عيال اش حتقول .. تعشق المثلجات والشاني والشوكلاته .. ذكية.. تحب تنرفزني وتنبسط على شكلي وانا متنرفزة ( الله يسامحها ترفع ضغطي احيانا وساعات ماامسك نفسي وارميها باي شي جنبي بس شي خفيف يعني مخده دفتر حاجه كذا ) ... تحب تتابع المسلسلات التركية وافلام الرعب وكانت تكره الافلام الكوميدية ( بس انا غيرت رايها ولله الحمد) ..

وهذي كانت اخر شخصية ف VIP .. اتمنى انكم استمتعتوا بالقراءة واشوفكم ف موضوع جديد باذن الله ..

زوار مدونتي لكم مني كل الحب والتقدير
البرنس

مس سنشي كودو

توأمي بكل ماتحمله الكلمة من معنى ,, اعرفها من اولى ابتدائي ومازالت صداقتنا مستمرة وقوية الى الان ولله الحمد.. كانت رفيقة دربي طوال سنوات دراستي بالمرحلة الابتدائية ثم المتوسطة تليها الثانوية .. تجمعنا مع بعض ذكريات كثيرة مايكفيها كتاب لو بغيت اكتبها .. كنا كل نهاية اسبوع نجتمع ف بيتي او بيتها نسوي أي شي : نلعب بلايستيشن , نلعب كمبيوتر, نقرا قصص , نسولف ..... أي شي عمرنا مااجتمعنا وطفشنا دايما نخترعلنا حاجة نسويها .. او نخرج مع بعض يااما النادي او الحديقة ( اماكن مخصصه للنساء فقط ف المنطقة اللي كنا ساكنين فيها) احتفلنا بتخرجنا من الابتدائي مع بعض وبعدها المتوسط وبعدين الثانوي .. اتخرجنا من الثانوي وشاءت الاقدار اننا نفترق بعدها .. نقلنا من المدينة اللي كنا فيها وتركت ورايا اجمل ايامي وذكرياتي باختصار جزء من قلبي ظل ورايا هناك.. قعدت سنشي بعدي سنتين وبعدين نقلت هي كمان.. بعد ماكنا احنا الثنتين ف الشمال صرنا وحدة ف الشرق ووحدة ف الغرب ..

نبذة مختصرة عن مس سنشي كودو:
انسانة مثقفة.. طيبة لابعد درجة.. وفية.. عجولة.. مشاكسة احيانا.. تعشق البيبسي والبطاطس المشوية والجاتوهات ( تحب تسمي الكيك جاتوه) .. باختصار شخص ماتتفوت الجلسة معاه وصديقة للعمر كله ..

اشوفكم قريب ان شاءالله مع الشخصية الاخيرة من VIP ...تشاااااااااو..

البرنس

مس sweety

عشنا طفولتنا مع بعض .. وكنا مسوين حزب ضد اخواتي واخواتها ( شر بعيد عنكم ههههه ) كان فينا نذالة مهي طبيعية ,, اتذكر احد المواقف اللي اتجلت فيها نذالتنا بقوة انا جمعنا اخواتنا انا واياها وكان معانا مسدس اللي ينور(ليزر) وطفينا النور وقفلنا الباب وصرنا نسويلهم اشكال ذئاب ووحوش بيديننا قدام المسدس عشان تبان الصورة ع الجدار مع وجود المؤثرات الصوتية طبعا هع هع هع هع مقدر امسك نفسي من الضحك كل ماافتكر اشكال المساكين وهم محشورين ف الركن يبكون واحنا نضحك عليهم ( قمة النذالة ) كنا صغار وقتها انا ابتدائي وهي متوسط بس فينا شر واذية مهي طبيعية والضحية اهلنا .. دوبه جا على بالي موقف ثاني .. عارفين اكيد مسدسات الموية؟؟ وما ادراك ما مسدسات الموية.. كانت لعبتنا المفضلة انا وسويتي .. الى الان كل شي عادي بس مادام اجتمعنا احنا الثنتين لازم يكون فيه شي مهو عادي الا وهما الزمان والمكان !!! ماكنا نستمتع بذي اللعبة الا على السطح وفين بالتحديد ؟؟ ورا الملابس اللي منشوره ع الحبل اللي مساكين امهاتنا غسلوا فيها لين تعبوا ونشروها يستنوها تنشف .. طبعا مادام الثنائي المرح فيه فانسوا موضوع انها تنشف تماما دايما يجوا يلقوها مبلولة خخخخخخخخ طبعا ف الاخير عرفوا السر وتمت مصادرة المسدسات ... كبرنا وكبرت شقاوتنا معانا وصار لنا هواية مشتركة مفضلة جديدة الا وهي افلام الرعب .. نفس الحركة القديمة نجمع اخواتنا ونشغل الفيلم طبعا اختكم ف الله انا اكون الراعي الرسمي اللي يجيب الافلام وسويتي تتكفل بالمؤثرات الصوتية, ف اللحظات المرعبة تصيح باعلى صوتها تخليك تنطي من مكانك ( ماقلتلكم احنا عصابة ) مع انها ماتكون خايفة على فكرة .. من هوايات سويتي لعب البلايستيشن وخصوصا العاب السيارات والمطاردات تعشقها بشكل فظيع وماانسى الالعاب المرعبة كمان .. و تحب ميرندا التفاح..

نبذة مختصرة عن مس سويتي:
ذكية .. حبوبة .. مخلصة .. احس مؤخرا انها بدت تميل للوحدة تدريجيا ( بس ماعليكم ماحخليها ف حالها .. حاخرجها من وحدتها و حنرجع نكون عصابتنا من جديد هع هع هع ) .. ماتحب تبين للشخص اللي قدامها انها تحبه ( بس الذكي يفهمها ) .. حنونة .. مهو سهل انها تعصب بس لو عصبت اللي كان السبب يتحمل اللي حيجيه.. باختصار انا طول عمري كنت اتمنى يكون لي اخت كبيرة وربي رزقني بها ( رب اخ لك لم تلده امك) ..

اشوفكم قريب ان شاءالله مع الشخصية الرابعة من VIP ( غلبت ع المسلسلات التركية ههههههه).. تشاااااااااو..

البرنس

الشخصية الثانية : مس باشا ..

من اغلى الناس ف حياتي اللي مااقدر اتخيل اني اعيش بدونهم .. لكن المكتوب ع الجبين لازم تشوفه العين .. قدرنا انا نعيش بعيدين عن بعض بس يكفي قلوبنا قريبة .. الانسانة هذي اعتبرها اخت وصديقة وخالة وعمة وجدة لو احتاج الموضوع باختصار وجودها ف حياتي بيعوضني عن حاجات كثير افتقدها .. شخصية تستمتعي بالجلسة معاها ومناقشتها ف جميع المواضيع بدون استثناء من تنظيف البيت الى السياسة مرورا بالامور الاقتصادية والاجتماعية والفنية والرياضية حتى.. يعني باختصار بتاعة كله .. تعشق متابعة المسلسلات بجميع انواعها والخليجية خصوصا بالذات اللي تكون قصصها ماساوية وتقطع القلب >> هوايتها هي حرة .... اعرفها من ايام الطفولة وماتكمل صيفيتي الا معاها هي واخواتها .. تموت ف شي اسمه حمضيات ( مشروب غازي) .. لو كنت متضايقة ومحتاجة اتكلم مع شخص تكون دايما هي الخيار الاول بالنسبة لي .. الكلام معاها يحسس الشخص براحة كبيرة..
نبذة مختصرة عن مس باشا :
قمة الطيبة اللي ف الدنيا .. فللاوية لابعد درجة .. الجلسة معاها ماتنمل .. انسانة جديرة بالثقة .. صندوق اسراري.. مااتخيل حياتي بدونها..

اشوفكم قريب ان شاءالله مع الشخصية الثالثة من VIP .. تشاااااااااو..

البرنس

نبدا باول شخص : مس بخبخ ..

شخصية فريدة من نوعها .. مافي زيها اثنين ف الدنيا (وعلى فكرة ترى صورة البنت تشبهك كثير هذا رأيي ومستعده اسمع رايك لو معترضة) .. عارفين لما يكون قدامك شخص تمثال للطيبة والحنان والاخلاق العالية والذوق الرفيع بس حضرتك ولا انت هنا وماانتي حاسه ؟؟ عديمة الاحساس هذي هي انا للاسف!! لاني اعرفها من وقت مااحنا صغار ومافكرت ف يوم اننا ممكن نكون صديقات!! يمكن غباء مني ؟؟!! الله اعلم .. المهم نرجع بذاكرتنا او ذاكرتي انا بالاصح لبداية تعارفنا .. اكذب عليكم لو قلت اني اتذكر متى اول مرة شفتها لاننا كنا اطفال وقتها .. كان بيننا زيارات بس مهي متبادله لان احنا ماكنا ساكنيين ف نفس المدينة .. كنت اشوفها بس ف الاجازات والعطل الرسمية .. كانت علاقتنا سطحية جدا جدا جدا بس كان بيننا صفات مشتركة كثييير << اهم شي ذاك الوقت انه كنا نحب نفس مجلات الاطفال وكنت كل مارحت لها تجيب لي درزن منها وتحطها جنبي وطبعا حضرتي من كثر ماكنت اعشق المجلات ( مجلات الاطفال فقط يعني ماجد , ميكي, مدينة البط... وذي الشلة مو الباقي زي سيدتي والجميلة الى اخره مااحب اقراها ابدا) كنت اغطس ف القراية وانسى الادمية الين ماتطفش وتسيب الغرفة اللي انا فيها وتطلع خخخخخخ.. وماانتبه الا على صوت امي وهي تناديني عشان نرجع البيت بعد اربع او خمس ساعات ..استمر الوضع على ذي الحال الماساوية كل مازرتها الين ف الاخير صارت ماعاد تطلع لي اصلا<< ماالومها .. المهم مرت السنين وكبرنا وعلاقتنا زي ماهي سطحية ..

وصلنا للمرحلة الجامعية .. وقتها بدات علاقتنا تقوى بالتدريج .. للامانه الادبية ماافتكر كيف بدت تقوى بالزبط بس المهم اني ف النهاية كسبت انسانة اعتبرها وحدة من اخواتي و ماابدلها بكنوز العالم كلها ..

نبذة مختصرة عن مس بخبخ :

انسانة طيبة.. طموحة .. حنونة.. ذكية.. لماحة.. مستعجلة تتخرج عشان تتوظف .. شخصية مستقلة .. احيانا احس انها تحس بالوحدة ( مدري ليه بس احساسي بيقول كذا) .. فلاوية للي يعرفها .. مملة جدا للي مايعرفها.. باختصار شخص يستحق الثقة والتقدير...

اشوفكم قريب مع شخصية ثانية من VIP .. تشااااو..

البرنس

VIP

صباااااااااح الخير.. حيكون ذا الموضوع جديد كليا عن كل المواضيع اللي نزلتها ف مدونتي قبل كذا .. وهو وليد الفراغ والوحدة المهم ماعلينا من المقدمة ننقل ع الشي الاهم .. فكرة الموضوع اني حاحصر الاشخاص المهمين جدا جدا جدا ف حياتي VIP بمعنى الكلمة وحانزل تقارير عنهم << على غرار تقارير الافلام ( متاثرة باللغة العربية الفصحى بشدة هههههه ) واللي مايلقى نفسه ف القائمة لايزعل بس انا فعلا ماحاحط فيها الا التوب يعني الباقين اكيد اعزهم بس ذولي معزتهم خاصة جدا جدا جدا.. طبعا اكيد امي وابوي واخواتي برى الحسبة لاني لو كتبت عنهم ماحنخلص..الغرض من الموضوع :

1/اني اكتب شي بالعربي لان وحشني العربي والكتابة بالعربي..

2/ انه اللي حاكتب عنهم يعرفوا قد ايه هما مهمين ف حياتي ..

3 / فكرة وجات ف راسي وابغى انفذها ..

حيكون ترتيبهم حسب مزاجي مو على غلاتهم لان معزة كل وحدة سبيشل عن الثانية .. ماحاكتب اسمائهم الصريحة لكن حاكتب لهم القاب وهما حيفهموا عليا انا متاكدة .. وماانسى قبل مااختم اشكر شخصية مميزة مصرة انها تطلع موهبتي ف الكتابة كل ماحست اني بديت اتراجع شجعتني اني ارجع اكتب شكرا جزيلا FADIOSIS نردهالك ف الافراح ان شاء الله .. اشوفكم على خير مع اول شخصية تشااااااااااااااااو...

البرنس

Enchanted

بطلة فيلمنا اليوم كانت عايشة بسعادة وهناء ف عالم الكرتون ..

تلعب مع جميع الحيوانات بمختلف انواعها.. وتخيط ملابسها بنفسها من اي شي تلقاه قدامها..

وتتسلق الشجر كانها طرزان زمانها .. والسقوط من الشجر شي عادي بالنسبة لها .. احيانا في احد يمسكها واحيانا لا ..

المهم جا اليوم اللي لقيت فيه امير احلامها وقرروا الزواج ليعيشوا بسعادة للابد ..

لكن زوجة اب الامير ماحتعدي ليلتهم على خير لانها خايفة يروح منها كرسي الملك.. ياترى اش حتسوي؟؟

حاقول لكم عشان تتحمسوا ..

حترسل البنت لعالم مافيه شي اسمه سعادة ابدية !! اكيد عرفتوا وييين ؟ عالمنا برافوووووو ..

تخيلوا صدمة المسكينة اللي كانت حتصير اميرة وفجاة اترمت ف عالم ماتعرف تتعامل معاه ؟؟

تتوقعوا تقدر تتاقلم ؟؟ وكيف ؟؟ حيجي اميرها الشهم ويحاول ينقذها؟؟ ولا حيسحب عليها ويطنشها ويدور غيرها؟؟ هل حتكون النهاية سعادة ابدية ام تعاسة ابدية ؟؟ واش حيصير لزوجة الاب الظالمة ؟؟ تابعوا عشان تعرفوا.... اشوفكم ف فيلم جديد.. تشااااو
رابط التريلر :

http://www.youtube.com/watch?v=AJ1e_yPfFD8
رابط الفيلم:

تحميل تورنت

http://isohunt.com/torrent_details/35634418/enchanted?tab=summary

ومن هنا الفيلم مترجم

http://forums.myegy.com/thread4133.html

من يخلف الإمبراطور؟

كان هناك إمبراطور يعيش في الشرق الأقصى، وقد بلغ من العمر عتياً وأدرك أن الوقت قد حان ليختار مَن يخلفه.

وبدلاً من أن يختار واحداً من مساعديه أو أحد أبنائه أو قائد جيشه، قرر أن يفعل شيئاً مختلفاً؛

إذ دعا كل شباب بلده إلى قصره، وقال لهم: لقد حان الوقت لاختيار مَن يخلفني. ولقد قررتُ أن اختار واحداً منكم!

سوف أُعطي كل واحد منكم اليوم بذرة واحدة، إنها بذرة خاصة جداً. وأريدكم أن تزرعوها وترووها، ثم تعودون بعد عام حاملين معكم ما أنبتته البذرة.

وبناءً على ذلك، سوف أختار الإمبراطور الذي سيخلفني!

كان من بين هؤلاء الشباب فتى اسمه ”لينج“ وقد أخذ بذرة كغيره. ولما عاد إلى بيته سرد على أُمِّه ما حدث. فساعدته أُمُّه بأن أَعدَّت له أصيصاً وبعض التربة المختصة بالزرع، فزرع البذرة، وصار يرويها بعناية فائقة ويراقبها بتلهف شديد.

وبعد فترة، بدأ يسمع الشباب الآخرين يتكلَّمون عن بذارهم وعن الزرع الذي بدأ ينمو. أما هو فكان يعود إلى بيته وينظر لكنه لا يشاهد أية بادرة نمو.

ومرت الأشهر وظل الأمر على ما هو عليه! فأحسَّ بالإخفاق.

ومضى العام، وحلَّ الموعد ليُحضر الشباب زرعهم إلى الإمبراطور ليفحصه.

عندها قال ”لينج“ لوالدته: لن أذهب حاملاً أصيصاً فارغاً. لكنها شجَّعته أن يذهب، وأن يكون أميناً وصادقاً في سرد ما حدث. فأطاع أمه وحمل أصيصه الفارغ ومضى إلى القصر.

وهناك اندهش من تنوُّع النباتات التي نمت لدى كل الشباب الآخرين. كانت جميلة حقاً، في منظرها وحجمها.

ووضع ”لينج“ أصيصه على الأرض فارغاً، فأخذ الحاضرون يضحكون. وحينما وصل الإمبراطور، حاول ”لينج“ أن يُخفي نفسه فانسحب إلى آخر الصالة.

قال الإمبراطور: ما أعظم ما فعلتم! ولما رأى الأصيص الفارغ أمر حرَّاسه أن يُحضروا صاحبه إلى المقدمة.

فارتعب ”لينج“ وقال في نفسه: ”سيأمر بقتلي لأني أفسدتُ بذرته“!

وحينما وصل ”لينج“ إلى المقدمة، طلب الإمبراطور اسمه. ثم أعلن للجمع ما يلي: إمبراطوركم الجديد اسمه "لينج".

فضحك الحاضرون ظناً منهم أنه يستهزئ به.

أما ”لينج“ فقد شعر أن الإمبراطور كان جاداً، ولكن كان صعباً عليه أن يصدق ما سمعه.

ثم أكمل الإمبراطور: لقد أعطيتكم بذوراً مَغْليَّة لا يمكن أن تنمو. فبدلتموها لتظهروا قدرتكم على القيام بالعمل!.

أما "لينج" فهو الوحيد الذي عنده الشجاعة والأمانة والصدق ليُحضِر أصيصه فارغاً وبذرتي فيه. لذلك، فهو الذي سيكون الإمبراطور الجديد“!!!!

الشجاعة والأمانة والصدق هي رأس المال الحقيقي للإنسان